

السلام عليكم
من اكثر من سنتين ما فتحتش انترنت في الحوش في البداية انقطع خط الهاتف الارضي ومن ثم انتقلنا الى منطقة غير مأهولة بالسكان يعني كل كيلو متر مربع مافيشي كان احني هههههههه
والريفي مازال ماوزعجوشي عندنا لذلك فتحت الانترنت اخيرا في الحوش على شفرة المدار اللي كانت مسكرة وفتحتها
لكن كأني مش فرحان لاني قريب نكره النت من معاملة بعض الأشخاص اللي تغيرت كأني وليت وحيد في الانترنت
فاستوت عندي ان يكون عندي انترنت منزلي او لا
وليت انمشي في وقتي عالكمبيوتر سولتير و فوتوشوب
هناك 12 تعليقًا:
حسب علمي الريفي اصبح منتشر الان وفي المتناول
اما بالنسبة للاشتراك بالنت عن طريق شفرة المدار فهو امر متيسر وسهل كما ان السرعة معقولة
السؤال لما لم تفرح به وقد اصبح بين يديك؟؟؟ من ناحيتي فرحت بالاخبار فالتقنيات بدات تتسارع يوم عن يوم
لا تتاخر علينا بادراج جديد فكر مليا بالامر وابتهج فالمدار تستحق فرحك !!
المشكلة ان الريفي والنت متع المدار بطيييييييييييييييييييء
فمتعبش روحك
بالنسبة للريفي برا وكمل شغلك يلي عندك وتجي وتلقاه مازال مافتنحش الصفحة يلي تبيها
تي بليد هلبة
الأحس انك تشدها على كفي نت
اريحلك
سلام...ريح راسك من التطور المفاجى اللي صاير عندنا لان الوضع مش طبيعي وماتفكرش انهم تطوروا بجد..جرب تلقى رقم ارضي تعلق علية DCLاحسن شي
مشكورين عالمرور
انا المشكله في سرعة الخط او التطور
قلتلكم كأنه معادش في نيه في النت
في اشخاص تغيروا معاي وفي اشهاص دمهم تقيل قريب يكرهوني روحي مش غير النت
مساء الخير ...
اهلين سفير .. وسوري على لقطة التعليق الي عندي ..
اولا .. مبروك انك حصلت الي تبيه ..
واما على الناس انا منحبش التعاملات على النت عموما ..
مرات يكون بالنسبه ليه غير مفهوم .. ومرات متغيروش انت بس الي تشوف في الحاجه هدي وهوه مفيش لان على النت معظم الظروف والمواصفات والملامح مبهمة .. فممكن صدفه ..
والعقل الباطن يترجم في البقيه زي ما يبي ..
نتمنى تكون فهمت النقطة الاخيره ..
enjoy ur time ..
wish u a pest
..(^_^)...
اذا على الانترنت فكل يوم عناكـ تقدم ومش حنقول جديد اذا قتلكـ الدى اس ال يا اما الباقى دوع فاضيه مع انى نستخدم فى المدار بكتره اليومين هاذو والسبب سهولة الاتصال من اى مكان واذا على الاصحاب فى النت فحاول ما توجعش دماغك والكويس يبان من اول يوم اما البقيه فخلى روحك رياضيه وتقبلهم بعيوبهم اذا عندكـ صبر ....
مبروك.........وعلي اي حال هو نت وخلاص سوا من موبايل و لا اشتراك....حاجة تحل مشكلة الاتصال وخلاص
الهجه شويه صعبه عليا
طبعا مش قصدى تتكلم مصرى علشان افهم
بس فى بعض الكلمات صعبه ممكن نتكب فصحى اسهل
وجزاك الله خير
تحياتى
أتمنى مشكلتك تنحل
وأتمنى تساعدني بوقتك في مشاركتي أخر مواضيعي
عن إساءة بعض المدونين وكيف ترد على هذه الإساءة لو زادت يوم ورا الثاني
وأتمنى ما تنسى تدعو لمن أساء بالهداية ولزوجته بالشفاء يارب
شدها على الفوتوشوب و خلاص..
و الله احلى,و رواق اعصاب
ولو على السوليتير,فيك تستغل النت تلعب مع ناس من كل بلاد الدنيا والله جو مليح انا نلعب في بلياردو ديمة
هدا هو الموقع
www.gamedesire.com
استمتع بوقتك
دعاية p:
تحياتي-لونا
السلام عليكم، ممكن تعليقي جاء متأخر بس حبيت نعطي رأيي، بالنسبة للنت عن طريق المدار فهو مش سيئ انا نستعمل فيه ولما نوصله بالكمبيوتر يكون التعامل اسهل وهو احيانا يكون بطيئ بس تأقلمت معاه. المهم نتمنى انك تستمر مع التدوين وبما انك طالب شريعة"بصراحة انا نحب التخصص هذا ونحترم كل طالب يدرس في هالمجال" فياريتك ماتبخلش علينا بمواضيع دينية في الشريعة، شبابنا في حاجة ماسة لمثل هالمواضيع ...
السلام عليكم
ماشاء الله
نقدر نقولك يا سفير
( علمتك الشحاتة ........ـ)
المدونة ماشاء الله اليوم قلت خلي نزور المدونات إلي نعرفها
لقيتها مليانه ماشاء الله
إستمر على هذا الحال
إن شاء الله ما تتعرضش لما تعرضت له
( سرقة المواضيع حرقيا)
لأن هذا سبب إغلاقي للمدونة
و مبروك
ألف مبروك لفتحك الإنترنت في الحوش
:)
سلامي
إرسال تعليق