اخيرا بعد ثلاث سنوات ذهبت لأمتحان الترخيص بعد طبعا القليل من المحاضرات والتهزيبات من الوالد ياللا
من ثلاث سنوات كنت قد بدات في اوراق الرخصه وتوقفت عند الامتحان فأخذت الملف القديم من الارشيف الخاص بيا في دولاب المخزن وجددت الحالة الجنائية (كشف السوابق) ومشيت للمركز يوم اثنين اي في يوم الامتحانات قدمت الملف مشي قاللي الشرطي وين القيته الملف هذا احنى حتى نوعية الورق اللي فيه مانستخدموش فيا توه
قلتله شوي ظروف
قاللي ظروف شني اللي تخليك تتأخر ثلاث سنوات
قلتله كنت في غيبوبه
قاللي انت تتسهوك
طبعا كالعاده نعلق ورى كل شي
قاللي بهي خدي الملف وقاللي لما انادوا عليك تعال كانت الحكايه زحمه انا نحسابه يوم السواقه العالمي
فوق من الخمسين واحد
بدت اللجنه اتنادي في الاسماء لأمتحانات علامات المرور الطبيلات
الأغلبية اللي ايخشوا يطلعوا وفي ايدهم ملف معناها مانجحوش مشي كلمت اللي في جنبي قلتله ترى الورقه اللي فيها العلامات خللي نطلع عليها
حفظت شوي منهن عالسريع وبعدها نادوا عليها نجحت والحمد لله
مشينا لامتحان النديتروا بعد ماخفت الزحمه قعدوا ممكن عشرين والا اقل شويه
وبدوا يركبوا فيهم كانوا قبلي سبعه كلهم يقوله ساقط انزل جيت انا ركبت والشرطي وجه يبشر بتلاتين سنه حبس
المهم قعدت ناخد في وقتي نواسي في المرايات الجنبيات والوسطيه وقاللي يلا توكل علقتها نديترو وقعدت نمشي بسرعة السلحفاة ان لم يكن اقل وقعدت نواسي فيها في المكان اللي يبوه نجحت من النديتروا واللي بعدي قعد منهم خمسه بس
بدينا في الجوله كلهك داروا قبلي الخمسه التانيين نجح منهم واحد بس
لما جي دوري انطلقت بسرعه بطيئه ولما اوصلت للكوربه اشرت بالفليتشه وطولت وانا نشبح قاللي الشرطي بهزوه انزل شوف وخلاص طبعا انا مانفوتش اي فرصه زي هذي للضحك فتحت الباب ونزلت حقيت يمين ويسار ووليت ركبت قاللي الشرطي ساقط قلتله حرام عليك قاللي هات الملف لما خذي الملف قاللي انت ولد فلان قلته ايه قاللي كان قلت من الاول راهو مادرنالكش امتحان قاللي تعال بعد تلات ايام بيش نعطوك الرخصه
الاشتراك في:
تعليقات الرسالة (Atom)
هناك 5 تعليقات:
55199الف مبروك اذا
ما كان من الاول
راك تكلمت وفكيت روحك
بس فكنا من التعليقات
وبعدين بعيد السو
معقولة غيبوبة 3 سنين
كان غيرك ما غشيم
هههههههه
آآآآآآآخ علاش تفكر فيا بس
تعرف نفس الفيلم صاير معاي ، درت الاوراق وجهزتها من سنة 2000
وحددت موعد الامتحان في 2007
طبعا بعد ما دفعت غرامة للتجديد
بعد اربعة امتحانات وصلت لقناعة لازم ما الواسطة تاخد مجراها
هههههههههه يا محمد بعدين حتى ادير حادث ما يلومك حد .. ناجح بالواسطة ..
انا نفكر ندير رخصة 3
للللول
ادم انت ناوي تشد الخط رخصه تالته للجرار
مبروك الرخصة
يعني تقدر تجي لحوش بابا و تروح من غير ما نخاف عليك
إرسال تعليق