أستغفر الله......... سبحان الله ............ولا إله إلا الله.......... والله أكبر

الاثنين، 10 ديسمبر، 2007

تحدي 2007

اليوم كان يوم اثنين والجو مطر وكان العبد الفقير خوكم ماشي من امام مركز الشرطه لكن في المخالف
خاش الطريق بالممنوع وقدام المركز ليش ؟
مش عارف تمبله مانبيش نمشي نلف والا مش داير أهمية للقانون ولا للشرطه
وطبعا لما كنت ماشي من قدام المركز واحد منهم وين ماشي يا ظالم يا... وسكت قلتله كمل خيرك سكتت ماردش عليا وكانت على طلعة سيارة الشرطه وقفوا ونزلوا قال كبيرهم والكبير الله : وين أوراقك ياغالي
قلتله (كالعاده نسخف) في الحوش ياوجه القمبالي
قال: الرخصه وين؟
قلتله اهي معاي
ركب عاليمين وقاللي هي تفضل خش للمركز انت وسيارتك
والمركز مش مركز مرور هو مركز شرطه قسم
خشيت للمركز في الأول نحساب روحي في برنامج الرابح الأكبر من اول شرطي لأخر شرطي كل واحد بطنه قدامه ميترو ولقيتهم يلحسوا في المكرونه كلهم
المهم بعد ماحجزوا الرخصه والسياره طلعت ومشيت
خبرت قريبي بيش يطلعها لكن ماطلعت الا بعد ماباتت نهار عندهم وباتت بره يعني بوي سمع
عطاني محاضرة بعنوان
حاميها حراميها او لا يخالف القانون الا من يعرفه
او حط اي عنوان يعجبك
وفي اخر المطاف طلعت مجرم
فهل أنا مجرم حقا ؟

هناك 4 تعليقات:

butterfly يقول...

تحدي و في آخر العام؟؟؟

butterfly يقول...

فعلا حاميها حراميها

S.Hamid يقول...

السلام عليكم

أخي العزيز أنا مش معاك في تكسير قواعد المرور ..
قواعد المرور وضعت لتحمينا في الدرجة الاولى وتنظم الحركة

اول شرطي لأخر شرطي كل واحد بطنه قدامه ميترو

عندك فيها الحق هذه

The Moon يقول...

الحمد لله على سلامة السيارة
هو كانك انت مجرم معناها الشعب الليبي كله مجرم لكن هو المفروض نطبقوا القانون لأن السواقة في البلاد بدت مأسااااااااااااااااااااااااااااااااااااة
ماتندريش منين تطلعلك سيارة ويقولك انت الغالط
يعني ماشيين بالبركة