أستغفر الله......... سبحان الله ............ولا إله إلا الله.......... والله أكبر

الأحد، 23 ديسمبر، 2007

كل عام وانتم بألف خير







كل عام وانتم بالف خير وصحه اللي كلي شوى وقديد وعصبان واللي يبي يعزمني على حاجه بطني مازال فيها مكان هههههههههههههه



بدون مانطول عليكم عيد السنه هدي درت فيه كل شي ماعدا جر الموس عالضحيه سلخت وفتحت السقيطه وقطعت وحتى القديد قددت يللا بلاش ضحك



يوم الموسم روحت للحوش الساعه اربعه ونص صار حادث قدام الحلاق والحمد لله ماتفي حد وصل في السياره لكن كبرت الدوه دعم على شرطه على تحقيقات وانا السياره أوراقها طايحات لكن طلعت منها



يوم العيد نضت الساعه9 وكان المفروض مانرقدش ككل عيد لما نروح متاخر لكن فاتت عليا نومه ونضت وبدينا نقلوا في الخرفان و العده لأنه منضحوا في حوش جدي



وكان عدد الضحايا سته والباقي كله عادي سوا أني السنه هادي قريب قصيت ايدي منرشق الموس في الشجره فانزلقت ايدي عالموس فارتشق في ايدي



وعندي هالصور في البدايه ترددت مانبيش انزلهم خفت تغلطوا فيا وتحسابوني ضحيه هههههههههه لكن الكاميرا جت بعد الذبح لذلك مافيش صور للضحايا فنزلتهم وردوا بالكم تغلطوا

هناك 9 تعليقات:

butterfly يقول...

كل عام و انت بخير
دير بالك المرة الجاية
لما ترشق الموس
ما تخليشي يولي عليك

على كل الحمد لله على السلامة

loza يقول...

انا أول مره نخس هنايه لكن نقرى في اسم السلام ..

ومن أول ما خشيت وانا نشوف في الماس قايمه بالواجب ..

قلت هدا متاع السلام امال الباقي كيف

؟؟

هيهيهههي
ربك يستر
ههههههههههه

كل عام والجميع بخير وينعاد عليك بالخير انشاء الله
عيد سعيد

سقير السلام يقول...

ان شاء الله المره الجايه اندير بالي يا فراشة
لوزا مش ديمه انا هكي غير عيد شكرا على مرورك

قلب كبير يقول...

كل عام و انت بخير

سلامتك
العام الجاي ان شاء الله يكون بلا جروح

من يعلم
ممكن العام الجاي نشوفوك في جبل عرفات

بس لا تنسى تدعيلنا

سلام

سقير السلام يقول...

ان شاء الله نكون كلنا غادي على عرفات
ومافيش حد ينسى تحبابه بالدعاء

linda يقول...

كل سنة وانت طيب

ياوالله حالة واحد ينفخ والتاني يدبح ويسلخ هلبة هكي

بس على العموم
ألف مبروك لو كان اول مرة

هههههه


اللهم محفظنا

Lona يقول...

موضوعك ممتع و الله,,

احنا عيدنا كساد للمليون ما عندي ما نكتب عليه,,,
انشاء الله لا باس و كل سنة و انت طيب و كل المدونين الاحباء بخير

سقير السلام يقول...

شكرا ليندا ولونا على مروركم ان شاء
العام الجاي مايكونش كساد

فراشـة يقول...

انت مدعو للتصويت في مدونة
تصويت
taswet-butterfly.blogspot.com